بلوچستان: بلدیاتی انتخابات کے امیدواروں کی نظرثانی شدہ فہرستیں آویزاں

بلوچستان میں بلدیاتی انتخابات میں حصہ لینےوالے امیدواروں کی نظرثانی شدہ فہرستیں آویزاں کردی گئیں۔

الیکشن کمیشن ترجمان کے مطابق امیدواروں کی نظرثانی شدہ فہرستیں متعلقہ ریٹرننگ افسران کے دفاتر پر آویزاں کی گئی ہیں۔

ترجمان کا مزید کہنا ہے کہ آج امیدوار بلدیاتی انتخابات سے دستبردار ہوسکتے ہیں جبکہ 10 مئی کو امیدواروں کی حتمی فہرست جاری اور انتخابی نشانات الاٹ کئے جائیں گی۔

انہوں نے کہا کہ کوئٹہ اور لسبیلہ کے علاوہ بلوچستان کے 32 اضلاع میں بلدیاتی انتخابات 29 مئی کو ہوں گے جبکہ کوئٹہ اور لسبیلہ میں بلدیاتی انتخابات کے شیڈول کا اعلان بعد میں کیا جائے گا۔

بشکریہ جنگ