انٹر بینک میں عید کے بعد ڈالر 94 پیسے مہنگا ہوگیا

عیدالفطر کے بعد ڈالر انٹربینک سیشن میں 94 پیسے مہنگا ہوا، اوپن مارکیٹ میں بدستور 187 روپے ہے۔

عید تعطیلات کے بعد انٹر بینک تبادلہ مارکیٹ کے کاروباری سیشن میں ڈالر 94 پیسے مہنگا ہوا ہے، ڈالر انٹربینک میں کاروبار کی بندش پر 186 روپے 62 پیسے کا ہے۔

 امریکا میں شرح میں سود اضافے کے بعد ڈالر عالمی سطح پر مہنگا ہوا ہے، لیکن پاکستانی اوپن مارکیٹ میں 187 روپے برقرار ہے۔

جنرل سیکریٹری ایکسچینج کمپنیز ایسوسی ایشن ظفر پراچہ کے مطابق اوپن مارکیٹ میں ڈالر مہنگا نہ ہونے کی وجہ اس کی ڈیمانڈ اور سپلائی ہے۔

ایکسچینج کمپنیز کے پاس عید تعطیلات میں خریدے گئے ڈالر کی سپلائی تھی، ڈالر کی طلب اوپن مارکیٹ میں مقامی قوانین کے سبب کم ہے، جس کی وجہ سے اوپن مارکیٹ میں ڈالر مہنگا نہیں ہوا۔

انٹربینک میں لیکن عید تعطیلات میں درآمدات کی ادائیگیاں ہوئیں لیکن برآمدی وصولیاں متاثر رہیں، بینکوں کے نوسٹرو اکاؤنٹس میں کمی ہوئی تھی، اس لئے انہوں نے خریداری کی ہے۔

ظفر پراچہ نے کہا کہ ایکسچینج کمپنیاں اپنی 99 فیصد مقامی خریدے گئے ڈالر انٹربینک میں فروخت کرتی ہے۔

بشکریہ جنگ