جرمنی سے سیاحوں کو اسکردو لانے کیلئے بک خصوصی چارٹرڈ فلائٹ موخر

جرمنی سے سیاحوں کو پاکستان کے علاقے اسکردو لانے کیلئے بُک کی گئی خصوصی چارٹرڈ پرواز کمپنی نے اپنی انتظامی وجوہات کی بنا پر موخر کردی ہے۔

ترجمان سول ایوی ایشن اتھارٹی (سی اے اے) کے مطابق اس خصوصی پرواز نے جرمنی کے میونخ انٹرنیشنل ایئرپورٹ سے 13 مئی کو سیاحوں کو لے کر انٹرنیشنل ایئرپورٹ کا درجہ دیئے گئے اسکردو ہوائی اڈے پر اترنا تھا جس کے لیے تمام انتظامات مکمل ہیں۔

سول ایوی ایشن ترجمان کے مطابق انٹرنیشنل چارٹرڈ پرواز بُک کرنے والی کمپنی نے اپنی انتظامی وجوہات کی بنا پر پرواز کو موخر کیا ہے۔

ترجمان سی اے اے کے مطابق اسکردو انٹرنیشنل ایئرپورٹ بین الاقوامی پروازوں کو خوش امدید کہنے کیلئے ہمہ وقت تیار ہے۔

ایوی ایشن ذرائع کے مطابق اس پرواز کے اگلے شیڈول کا اعلان بعد میں کیا جائے گا۔

بشکریہ جنگ