فخر زمان کی اپنے اسکول ٹیچرز کیساتھ تصاویر وائرل

پاکستان کرکٹ ٹیم کے اوپننگ بیٹر فخر زمان کی  اپنے اسکول ٹیچرز کے ساتھ تصاویر وائرل ہوگئیں۔

حال ہی میں عمرے کی سعادت حاصل کرنے والے قومی کرکٹر فخر زمان نے اپنے تصدیق شدہ ٹوئٹر اکاؤنٹ پر اپنی کچھ تصاویر شیئر کیں۔

ٹوئٹر پر شیئر کردہ تصاویر میں فخر زمان کے ساتھ اُن کے اسکول کے اساتذہ بھی موجود ہیں۔

فخر زمان نے اپنے ٹوئٹ میں کہا کہ یہ میرے اسکول کی زندگی کے پیارے اساتذہ ہیں، انہوں نے مجھے بہت سی عظیم چیزیں سکھائیں۔ 

قومی کرکٹر نے اپنے اساتذہ کے لیے دُعا کرتے ہوئے لکھا کہ اللّہ تعالیٰ ان پر اور ان کے چاہنے والوں پر رحم فرمائے، آمین۔

قومی کرکٹ ٹیم کے کپتان بابراعظم نے غلاف کعبہ کی تیاری کی سعادت حاصل کرلی۔

واضح رہے کہ پاکستان کے معروف کرکٹر شاداب خان، وقار یونس، قومی کرکٹ ٹیم کے کپتان بابر اعظم، فخر زمان، قومی ویمن کرکٹ ٹیم کی فاسٹ باؤلر فاطمہ ثناء، کرکٹر احمد شہزاد، سینئر سابق کھلاڑی جاوید میاں داد نے رمضان نے مبارک مہینے میں عمرہ کی سعادت حاصل کی۔

بشکریہ جنگ