سعودی عرب، یو اے ای اور خلیجی ممالک میں عیدالفطر آج

سعودی عرب، متحدہ عرب امارات اور خلیجی ممالک میں عیدالفطر آج منائی جائے گی۔

برطانیہ اور فرانس میں بھی پیر کو عید منائی جائے گی، برطانیہ میں چاند رات پر ایشیائی بازاروں میں گہما گہمی دیکھنے میں آئی۔

سلے سلائے کپڑوں کی دکانوں پر لوگوں کا رش رہا، خواتین کی مہندی اور چوڑیوں میں دلچسپی دیکھنے کو ملی جبکہ جیولری، ملبوسات اور پرفیوم کی بھی خریداری میں اضافہ ہوا ہے۔

مرکزی رویت ہلال کمیٹی نے پاکستان میں ماہ شوال کا چاند نظر نہ آنے کا اعلان کردیا ہے، یوں ملک بھر میں عیدالفطر 3 مئی بروز منگل کو ہوگی۔

دوسری جانب پاکستان، بھارت، بنگلادیش اور سری لنکا میں عیدالفطر منگل 3 مئی کو ہوگی۔

واضح رہے کہ خیبرپختونخوا حکومت نے بھی صوبے میں آج عیدالفطر منانے کا اعلان کیا ہے۔

بشکریہ جنگ