آسٹریلوی کرکٹر کی تصویر پر وہاب کو کیوں ٹیگ کیا جارہا ہے؟

قومی کرکٹ ٹیم کے فاسٹ بولر وہاب ریاض حیران ہیں کہ آسٹریلوی کرکٹر کی تصویر پر انہیں کیوں ٹیگ کیا جارہا ہے۔

مائیکرو بلاگنگ سائٹ ٹوئٹر پر جاری بیان میں وہاب ریاض نے کہا کہ مجھے سمجھ نہیں آرہا کہ مجھے اتنا زیادہ ٹیگ کیوں کیا جارہا ہے۔

وہاب ریاض کے سوال پر ان کے مداحوں کی جانب سے ایک ویڈیو بھیج کر بتایا جارہا ہے کہ آپ کو اس وجہ سے ٹیگ کیا جارہا ہے۔

خیال رہے کہ انٹرنیشنل کرکٹ کونسل (آئی سی سی) نے اپنے آفیشل ٹوئٹر اکاؤنٹ پر آسٹریلیا کے ایک کھلاڑی کی تصویر جاری ہے اور پوچھا ہے کہ بتائیں یہ کون ہیں؟

آئی سی سی کی جانب سے شیئر کی گئی تصویر میں شین واسٹن ہیں۔

2015 کے ورلڈ کپ کے کوارٹر فائنل میں وہاب ریاض نے آسٹریلیا کے خلاف کمال کی گیند بازی کی تھی، آسٹریلوی بیٹر شین واسٹن کو پریشان کردیا تھا۔

بشکریہ جنگ