نوازشریف نے واپسی کا فیصلہ اپنی مرضی سے کرنا ہے، رانا ثناء اللّٰہ

وزیر داخلہ رانا ثناء اللّٰہ کا کہنا ہے کہ واپسی کا فیصلہ نوازشریف نے اپنی مرضی سے کرنا ہے، پارٹی کا مؤقف ہے کہ نواز شریف اپنا علاج مکمل کر کے واپس آئیں۔

رانا ثناء اللّٰہ نے کہا کہ کوشش ہے کہ الیکشن مہم اس سال کے آخری یا اگلے سال مئی تک شروع ہو تو نواز شریف یہاں ہوں، نواز شریف کے بغیر ہمارے معاملات مکمل نہیں ہوتے۔

ذرائع کا کہنا ہے کہ نواز شریف اب کسی بھی وقت پاکستان کیلئے روانہ ہوسکتے ہیں۔

وزیر داخلہ نے کہا کہ نواز شریف باہر تھے تب بھی ہمارے جلسوں، میٹنگ میں ویڈیو لنک پر ہوتے تھے، نواز شریف کی ملک میں موجودگی ن لیگ کے لیے الیکشن میں کامیابی کی دلیل ہوگی۔

رانا ثناءاللہ نے کہا کہ آئندہ الیکشن میں پنجاب میں کلین سویپ کریں گے، جب ہم لوگوں کو باہر لائیں گے تو پوزیشن واضح ہو جائے گی۔

بشکریہ جنگ