عمران خان کا سوشل میڈیا بھی شاید موکلات اور جنات چلا رہے ہیں: مریم نواز

مسلم لیگ ن کی نائب صدر مریم نواز نے سابق وزیراعظم عمران خان کے حق میں ٹرینڈز چلانے والوں کے حوالے سے خبر پر ردعمل میں کہا کہ عمران خان کا سوشل میڈیا بھی شاید موکلات اور جنات چلا رہے ہیں۔

انہوں نے ٹوئٹر پر جاری بیان میں کہا کہ عمران خان کی حکومت کی طرح اس کا سوشل میڈیا بھی شاید موکلات اور جنات چلا رہے ہیں۔

مریم نواز نے یہ بھی کہا کہ  انکے جلسوں کی تصاویر خلا (NASA ) سے لی جاتی ہیں۔

ایک اور ٹوئٹ میں مریم نواز نے کہا کہ مینڈیٹ بھی جعلی، لیڈر بھی جعلی، بیانیہ بھی جعلی، تبدیلی بھی جعلی اور اب اکاونٹس بھی جعلی۔ شرم کرو !

یاد رہے کہ گزشتہ روز پاکستان مسلم لیگ (ن) کی ترجمان مریم اورنگزیب نے کہا ہےکہ عمران خان اداروں کیخلاف نفرت پھیلا رہے ہیں، ٹوئٹر پر ٹرینڈ بنانے والے 97 فیصد اکاؤنٹس روبوٹک ہیں،پی ٹی آئی نے ٹوئٹر پر بیانیہ روبوٹک ٹوئٹ کے ذریعے بنایا ۔

نومنتخب وزیراعظم شہباز شریف کے آج صبح سویرے پی ایم ہاؤس آمد پر نائب صدر مسلم لیگ ن نے سابق وزیراعظم پر طنز کے تیر چلا دیے۔

مریم اورنگزیب نے ٹوئٹر پر گزشتہ کئی روز سے بننے والے ٹاپ ٹرینڈ کو روبوٹک قرار دیا اورکہا کہ ٹوئٹر پر ٹرینڈ بنانے والے 97 فیصد اکاؤنٹس روبوٹک ہیں ۔

بشکریہ جنگ