پی ٹی آئی والوں نے اپنے ارکان کی ہارس ٹریڈنگ کی، چوہدری لطیف اکبر
اپوزیشن لیڈر آزاد کشمیر اسمبلی چوہدری لطیف اکبر کا کہنا ہے کہ پاکستان تحریک انصاف(پی ٹی آئی) والوں نے اپنے ارکان کی ہارس ٹریڈنگ کی۔
مظفرآباد میں پریس کانفرنس کرتے ہوئے چوہدری لطیف اکبر نے کہا کہ ہم ہارس ٹریڈنگ کا بائیکاٹ کریں گے، اسمبلی اجلاس بھی غیرآئینی طریقے سےطلب کیا گیا ہے۔
انہوں نے کہا کہ ایک ہوٹل میں پانچ روز سے معلوم نہیں کیا ہورہا ہے، ہونا یہ چاہئے تھا کہ پی ٹی آئی اپنی پارلیمانی کمیٹی کا اجلاس بلاتی۔
ان کا یہ بھی کہنا تھا کہ اسمبلی میں اسپیکر سمیت کوئی بھی ہماری بات سننے کو تیار نہیں، ان کے گرو عمران خان نے بھی آئین اور قانون کو تسلیم نہیں کیا تھا اور آج کے اجلاس میں بھی طریقہ کار کی پاسداری نہیں کی گئی۔
بشکریہ جنگ
Comments are closed.