آرٹیکل 63اے کے تحت نااہلی کی مدت کے تعین سے متعلق ریفرنس کی سماعت 18 اپریل کو ہوگی

سپریم کورٹ میں آرٹیکل 63 اے کے تحت نااہلی کی مدت کے تعین سے متعلق صدارتی ریفرنس کی سماعت 18 اپریل کو ہوگی۔

چیف جسٹس عمرعطا بندیال کی سربراہی میں پانچ رکنی لارجر بینچ سماعت کرے گا۔

لارجر بینچ میں جسٹس اعجاز الاحسن، مظہر عالم میاں خیل، جسٹس منیب اختر اور جسٹس جمال خان مندوخیل شامل ہیں۔

 گزشتہ سماعت پر ایڈیشنل اٹارنی جنرل نے صدارتی ریفرنس کی سماعت ملتوی کرنے کی درخواست کی تھی۔

بشکریہ جنگ