قیوم نیازی کے استعفیٰ پر تحریک انصاف کو آزاد کشمیر میں اپ سیٹ کا امکان

آزاد کشمیر میں تحریک انصاف کے موجودہ وزیراعظم قیوم نیازی کے استعفیٰ کے بعد حکمران جماعت کو اپ سیٹ کا سامنا کرنا پڑ سکتا ہے۔ 

ذرائع کا کہنا ہے کہ تحریک عدم اعتماد پر ووٹنگ ہونے کی صورت میں سردار تنویر الیاس کی کامیابی یقینی نظر آتی ہے۔

آزاد کشمیر میں قیوم نیازی کی تبدیلی کے لیے عمران خان کے

تاہم ذرائع نے بتایا کہ قیوم نیازی نے استعفیٰ دے دیا تو نئے وزیراعظم کے انتخاب میں تحریک انصاف مشکل میں آسکتی ہے۔

ذرائع نے کہا کہ نئے وزیر اعظم کے لیے الیکشن ہوا تو پیپلز پارٹی اور مسلم لیگ (ن) کا اتحاد اپ سیٹ کر سکتا ہے۔

ایک روز قبل وزیراعظم آزاد کشمیر عبدالقیوم نیازی نے چیئرمین پی ٹی آئی عمران خان سے ٹیلی فون پر گفتگو کی تھی۔

ذرائع کا بتانا تھا کہ عبدالقیوم نیازی نے سابق وزیراعظم سے کہا کہ میرے خلاف تحریک عدم اعتماد بڑی سازش ہے، آپ کو جو بتایا گیا وہ درست نہیں۔

بشکریہ جنگ