ناظم جوکھیو قتل کیس میں اہم پیشرفت سامنے آگئی

ناظم جوکھیو قتل کیس میں اہم پیش رفت سامنے آگئی، کیس کے تفتیشی افسر سراج لاشاری نے چالان انسداد دہشت گردی عدالت میں جمع کرا دیا۔

ذرائع کے مطابق چالان سے رکن قومی اسمبلی جام کریم، ایم پی اے جام اویس سمیت 8 افراد کے نام خارج کردیئے گئے۔

ذرائع کا یہ بھی کہنا ہے کہ چالان میں حیدر، معراج اور نیاز کو بطور ملزم نامزد کیا گیا ہے۔

خیال رہے کہ ناظم جوکھیو کو نومبر2021 میں میمن گوٹھ تھانے کی حدود میں قتل کیا گیا تھا، جوڈیشل مجسٹریٹ ملیر نے کیس میں دہشتگردی کی دفعات شامل کرنے کا حکم دیا تھا۔

بشکریہ جنگ