وزیراعلیٰ سندھ کا پوری کابینہ کے ہمراہ وزیراعظم کا استقبال

وزیراعظم پاکستان میاں محمد شہباز شریف کراچی پہنچ گئے، وزیراعلیٰ سندھ سید مراد علی شاہ نے اپنی پوری کابینہ سمیت وزیراعظم کا استقبال کیا۔

ترجمان وزیراعلیٰ سندھ کے مطابق وزیر اعظم کا استقبال کرنے والے صوبائی وزراء میں منظور وسان، ناصر شاہ، شبیر بجارانی، مکیش چاولہ، گیانچند اسرانی، ضیا شاہ، فیاض بٹ، اویس قادر شاہ، شہلا رضا، اسماعیل راہو، جام خان شورو، مرتضیٰ وہاب اور دیگر شامل تھے۔

وزیراعظم میاں محمد شہباز شریف اپنے پہلے ایک روزہ دورے پر صوبائی دارلحکومت کراچی پہنچ گئے ہیں۔

اس کے علاوہ پاکستان مسلم لیگ ن کے شاہ محمد شاہ، کھیل داس بھی استقبال کرنے والوں میں شامل تھے۔

وزیراعظم شہباز شریف کراچی پہنچنے کے بعد مزارِ قائد روانہ ہوئے،ان کی گاڑی وزیراعلیٰ سندھ سید مراد علی شاہ نے ڈرائیو کی۔

بشکریہ جنگ