میرے خلاف تحریک عدم اعتماد بڑی سازش ہے، وزیراعظم آزاد کشمیر

وزیراعظم آزاد کشمیر عبدالقیوم نیازی نے چیئرمین پی ٹی آئی عمران خان سے ٹیلی فون پر گفتگو کی۔

ذرائع کا بتانا ہے کہ  عبدالقیوم نیازی نے سابق وزیراعظم سے کہا کہ میرے خلاف تحریک عدم اعتماد بڑی سازش ہے، آپ کو جو بتایا گیا وہ درست نہیں۔

آزاد کشمیر کے نئے وزیراعظم سردار عبدالقیوم نیازی کا تعلق حلقہ ایل۔اے 18پونچھ ون کے گاؤں درہ شیر خان سے ہے، جو لائن آف کنٹرول کے بالکل سامنے ہے۔

انہوں نے یہ بھی کہا کہ اپنے خلاف سازش ثابت کروں گا۔

یہ بھی کہا جارہا ہے کہ چیئرمین پی ٹی آئی عمران خان سے عبدالقیوم نیازی آج بنی گالہ میں ملاقات کریں گے۔

یاد رہے کہ گزشتہ روز وزیراعظم آزاد کشمیر سردار عبدالقیوم نیازی کیخلاف تحریک عدم اعتماد اسمبلی سیکریٹریٹ میں جمع کرائی گئی،

سیکریٹری آزاد کشمیر قانون ساز اسمبلی چوہدری بشارت حسین نے میڈیا سے گفتگو کرتے ہوئے کہا کہ جمع کرائی گئی عدم اعتماد کی تحریک پر 25 ارکان اسمبلی کے دستخط ہیں۔

انہوں نے کہا تھا کہ تحریک عدم اعتماد کے بارے میں اسپیکر اور صدر کو مطلع کردیا گیا ہے، 3 دن بعد یا 7 دن میں اجلاس بلا کر تحریک پر رائے شماری ضروری ہے۔

بشکریہ جنگ