اسلام آباد: ویمن تھانے میں غیر ملکی خاتون کا پولیس سے جھگڑا

اسلام آباد میں تھانا ویمن پولیس اسٹیشن میں غیرملکی خاتون کا لیڈی پولیس سے جھگڑا ہوا ہے۔

پولیس ذرائع کا کہنا ہے کہ غیرملکی خاتون نے اسلام آباد پولیس کی اے ایس آئی کی شرٹ پھاڑدی۔

ذرائع کے مطابق غیرملکی خاتون کے حملے میں اے ایس آئی خاتون زخمی ہوگئیں۔

پولیس ذرائع کے مطابق روس سے تعلق رکھنے والی خاتون مارشل آرٹ بھی جانتی ہے، اسلام آباد پولیس نے غیرملکی خاتون کے خلاف مقدمہ درج کرلیا۔

ذرائع کے مطابق غیرملکی خاتون کو بغیر ویزا پاکستان میں رہائش پر ہوٹل سے گرفتار کیا گیا تھا۔

اسلام آباد پولیس نے غیرملکی خاتون کے خلاف 2 الگ الگ مقدمات درج کیے ہیں، ایک مقدمہ تشدد اور دوسرا بغیر ویزے کے پاکستان میں قیام کا ہے۔

بشکریہ جنگ