شہباز شریف کل کراچی کا ایک روزہ دورہ کریں گے
ترجمان وزیر اعلیٰ سندھ کا کہنا ہے کہ وزیرِ اعظم شہباز شریف 13 اپریل کو کراچی کا ایک روزہ دورہ کریں گے۔
وزیرِ اعظم اتحادی جماعتوں کے سربراہان کے ہمراہ مزارِ قائد پر حاضری دیں گے۔
ترجمان نے کہا کہ مزارِ قائد حاضری کا مقصد پاکستان کی تعمیر و ترقی کیلئے قائد اعظم کے سنہری اصولوں کی پیروی کا اعادہ کرنا ہے۔
انہوں نے کہا کہ مزار قائد کے بعد وزیرِ اعظم وزیرِ اعلی ہاؤس سندھ کا دورہ کریں گے۔
ترجما کا یہ بھی کہنا تھا کہ وزیرِ اعظم کراچی میں ترقیاتی منصوبوں کی حکمت عملی کیلئے مشاورتی عمل کی صدارت بھی کریں گے۔
واضح رہے کہ شہباز شریف گزشتہ روز پاکستان کے 23 ویں وزیراعظم منتخب ہوئے تھے۔
وزیراعظم شہباز شریف کا بیان میں کہنا تھا کہ ہماری ترجیح مہنگائی پر قابو پاکر عوام کو ریلیف فراہم کرنا ہوگی۔
انہوں نے مزید کہا کہ ہم سب مل کر پاکستان کو عظیم قوم بنائیں گے جبکہ دیگر ممالک سے باہمی احترام اور برابری کی بنیاد پر تعلقات استوار کریں گے۔
Comments are closed.