چیئرمین PCB رمیز راجا کا استعفیٰ نہ دینے کا فیصلہ

پاکستان کرکٹ بورڈ کے چیئرمین رمیز راجا نے استعفیٰ نہ دینے کا فیصلہ کیا ہے۔

ذرائع کے مطابق رمیز راجا بطور چیئرمین پی سی بی کام جاری رکھیں گے، وہ نئی حکومت کی جانب سے پیغام کے منتظر ہیں۔

ذرائع کا مزید کہنا ہے کہ رمیز راجا کے استعفیٰ دینے پر چیئرمین شپ کے لیے نجم سیٹھی کا نام زیر غور لایا جائے گا۔

ملک میں تبدیلی آنے کے ساتھ ہی پاکستان کرکٹ بورڈ میں تبدیلیوں کی بازگشت سنائی دینے لگی، عمران خان کے خلاف تحریک عدم اعتماد کامیاب ہونے کے بعد پی سی بی میں بھی تبدیلیوں کا امکان ہے.

واضح رہے کہ گزشتہ دنوں یہ خبر زیرِ گردش تھی کہ ملک میں تبدیلی آنے کے ساتھ ہی پاکستان کرکٹ بورڈ میں تبدیلیاں آئیں گی۔

عمران خان کے خلاف تحریک عدم اعتماد کامیاب ہونے کے بعد پی سی بی میں بھی تبدیلیوں کا امکان پیدا ہوگیا تھا۔

ذرائع کے مطابق چیئرمین پی سی بی رمیز راجا عہدے سے الگ ہونے کا ذہن بنا چکے تھے، انہوں نے قریبی دوستوں سے مشاورت بھی مکمل کر لی تھی۔

بشکریہ جنگ