شہباز شریف کو بھی ’ہینڈسم وزیر اعظم‘ قرار دے دیا گیا

پاکستان کے نو منتخب وزیر اعظم شہباز شریف کو بھی ’ہینڈ سم وزیر اعظم ‘ قرار دے دیا گیا ہے۔

سماجی رابطے کی ویب سائٹ ٹوئٹر پر صحافی، کامیڈین و میزبان شفاعت علی کی جانب سے ٹوئٹر پر وزیر اعظم شہباز شریف کی قومی اسمبلی میں خطاب کے دوران کی ایک تصویر شیئر کرتے ہوئے کیپشن میں لکھا گیا ہے کہ ’ہینڈسم تو یہ بھی ہے۔‘

شفاعت علی کا وزیر اعظم شہباز شریف کی تصویر شیئر کرتے ہوئے اِنہیں ہینڈسم قرار دینا ہی تھا کہ انٹرنیٹ صارفین کی جانب سے بھی اس پوسٹ کی تائد میں لائن لگ گئی ہے۔

دوسری جانب مریم نواز نے بھی اس پوسٹ کو پسند کیا ہے اور شفاعت علی سے ایک مطالبہ کر ڈالا ہے۔

مسلم لیگ ن کی نائب صدر مریم نواز نے اس پوسٹ کے کمنٹ میں شفاعت علی کو مخاطب کرتے ہوئے لکھا ہے کہ ’اس خوشی میں آپ سے پر زور مطالبہ ہے کہ اِن کے اعزاز میں ایک ویڈیو بنا کر کے بھی پوسٹ کی جائے۔‘

بشکریہ جنگ