جیسے ہی شہباز شریف حلف اٹھائے گا، استعفی دے دوں گا، عمران اسماعیل

گورنر سندھ عمران اسماعیل کا کہنا ہے کہ جیسے ہی شہباز شریف حلف اٹھائے گا میں استعفیٰ دوں گا، نہیں چاہتا ایک لمحےکے لیے بھی شہباز شریف کو سر کہنا پڑے۔

 جیو نیوز سے گفتگو کرتے ہوئے عمران اسماعیل  نے کہا کہ یہ شخص نا اہل ہے، مقصود چپڑاسی کے اکاؤنٹ سے اربوں روپے نکلے۔

ترجمان گورنر ہاؤس کا کہنا ہے کہ گورنر خیبر پختون خوا نے اپنا استعفیٰ صدر پاکستان ڈاکٹر عارف علوی کو بھیج دیا ہے۔

 عمران اسماعیل  نے کہا کہ میں ان کو وزیراعظم نہیں مانتا ہوں، اپنی شفٹنگ کا عمل شروع کردیا ہے، استعفیٰ لکھ کر رکھ لیا ہے، صدر مملکت کو بھیج دوں گا۔

گورنر سندھ  نے کہا کہ سامان کی پیکنگ بھی شروع کردی ایک دو دن میں گورنر ہاؤس سے شفٹ ہوجاؤں گا۔

بشکریہ جنگ