’ن لیگ سے ش نکالنے والوں کو شرمندگی کا سامنا‘

پاکستان مسلم لیگ ن کی رہنما، رکنِ قومی اسمبلی حنا پرویز بٹ کی جانب سے پارلیمنٹ کے حالیہ مناظر کی ایک ویڈیو شیئر کی ہے۔

سوشل میڈیا پر متحرک ن لیگ کی کارکن حنا پرویز بٹ کی جانب سے سماجی رابطے کی ویب سائٹ ٹوئٹر پر ایک ویڈیو شیئر کی گئی ہے۔

اس ویڈیو میں سابق وزیرِ اعظم نواز شریف کی بیٹی مریم نواز، اور پاکستان کے 23ویں وزیر اعظم کے لیے نامزد ہونے والے لیگی رہنما شہباز شریف کے بیٹے حمزہ شہباز کو گلے ملتے ہوئے اور ایک دوسرے کو تھپکی دیتے ہوئے دیکھا جا سکتا ہے ۔

حنا پرویز بٹ کی جانب سے اپنے اس ٹوئٹ کے کیپشن میں لکھنا ہے کہ ’وزیراعلیٰ پنجاب حمزہ شہباز کی قومی اسمبلی آمد۔۔ ن سے ش نکالنے والوں کو شرمندگی کا سامنا۔‘

واضح رہے کہ ملک کے 23 ویں وزیر اعظم کے آج ہونے والے انتخاب کیلئے قومی اسمبلی اجلاس قائم مقام اسپیکر قاسم سوری کی زیر صدارت شروع ہوگیا ہے۔

دوسری جانب سابق حکراں جماعت پی ٹی آئی اراکین نے بائیکاٹ کرتے ہوئے اسمبلی سے استعفے دینا شروع کر دیئے ہیں۔

بشکریہ جنگ