ویڈیو، برطرفی کے بعد عمران خان کی پہلی بار پارلیمنٹ ہاؤس آمد

سابق وزیراعظم و پاکستان تحریکِ انصاف کے چیئرمین عمران خان تحریکِ عدم اعتماد میں متحدہ اپوزیشن کی کامیابی کے نتیجے میں عہدے سے برطرف ہونے کے بعد عمران خان آج پہلی مرتبہ پارلیمنٹ ہاؤس پہنچے۔

عمران خان پی ٹی آئی کے پارلیمانی پارٹی کے اجلاس کی صدارت کرنے پارلیمنٹ ہاؤس پہنچے ہیں۔

عمران خان کی آمد کے موقع پر صحافی نے سوال کیا کہ کل کے پاور شو پر کیا کہیں گے، جواب میں انہوں نے کہا کہ مجھے کچھ کہنے کی ضرورت نہیں، عزت دینے والا اللّٰہ ہے۔

وزیرِاعظم عمران خان کے خلاف رات گئے تحریکِ عدم اعتماد کامیاب ہوگئی۔ عمران خان اب وزیراعظم اسلامی جمہوریہ پاکستان نہیں رہے۔

قراداد کامیاب ہونے کے بعد اپوزیشن ارکان نے شدید نعرے بازی کی اور ایوان میں زبردست جذباتی ماحول دیکھنے میں آیا۔

بشکریہ جنگ