کیا آپ نے کبھی سفید کینگرو دیکھا ہے؟

آسٹریلیا کے کوئنز لینڈ کے علاقے میں دیکھے گئے سفید کینگرو کی تصاویر سوشل میڈیا پر وائرل ہوگئیں۔

ایک آسٹریلوی خاتون نے کوئنز لینڈ کے باہر ایک نایاب سفید کینگرو دیکھا جس کی تصاویر آؤٹ بیک پائنیئرز کے فیس بک پیج پر پوسٹ کی گئی اور تصاویر تیزی سے وائرل ہوگئیں۔

خاتون نے بتایا کہ میں ابھی اپنے شوہر کے ساتھ باہر گئی تھی، ہم کچھ مینڈھے واپس پیڈاک پر چھوڑ رہے تھے اور وہاں ایک سفید کینگرو تھا، یہ دیکھنا بہت ناقابل یقین تھا۔

آسٹریلوی باشندوں کے لیے، کینگرو اکثر مناظر کا حصہ ہوتے ہیں لیکن ایک سفید کینگرو نایاب ہے۔

خاتون نے بتایا کہ اس منظر نے مجھے حیران کردیا لیکن اس کے باوجود بھی میں نے کیمرہ لیکر تصاویر لیں۔

بشکریہ جنگ