مبینہ خط کی تحقیقات، وزیراعظم کا نام ECL میں ڈالنے کی درخواست سماعت کیلئے مقرر

مبینہ خط کی تحقیقات اور وزیراعظم کا نام ای سی ایل میں ڈالنے کی درخواست  اسلام آباد ہائی کورٹ میں سماعت کے لیے مقرر کردی گئی۔

اسلام آباد ہائی کورٹ کے چیف جسٹس اطہر من اللّٰہ 11 اپریل کو سماعت کریں گے۔

 درخواست شہری مولوی اقبال حیدر کی جانب سے دائر کی گئی تھی۔

مریم اورنگزیب نے کہا کہ یہ نہیں ہوسکتا کہ وہ کہیں عدم اعتماد کی تحریک ختم ہوگئی، تحریک عدم پر ووٹنگ کروائیں۔

درخواست میں فواد چوہدری، شاہ محمود قریشی، قاسم سوری اور اسد مجید کا نام بھی ای سی ایل میں ڈالنے کی استدعا کی گئی۔

درخواست میں موقف اپنایا گیا کہ سیکرٹری داخلہ کو وزیراعظم اور وزراء کے خلاف مبینہ خط سے متعلق انکوائری کا حکم دیا جائے۔

 درخواست میں استدعا کی گئی ہے کہ درخواست پر فیصلہ ہونے تک وزیر اعظم، وزراء اور اسد مجید کا  نام ای سی ایل میں ڈالا جائے۔

بشکریہ جنگ