اسد قیصر اسپیکر کے حلف سے وفاداری نہیں کر رہے، اختر مینگل

بلوچستان نیشنل پارٹی (بی این پی) مینگل کے سربراہ سردار اخترمینگل نے کہا ہے کہ اسپیکر قومی اسمبلی اسد قیصر اپنے حلف سے وفاداری نہیں کر رہے ہیں۔

اسلام آباد میں میڈیا سے گفتگو میں سردار اختر مینگل نے کہا کہ اسپیکر اسد قیصر جس کرسی پر بیٹھے ہیں وہ کسی کی ذات نے انہیں نہیں دی۔

قومی اسمبلی میں اپوزیشن کی وزیراعظم عمران خان کے خلاف تحریک عدم اعتماد کی ووٹنگ کے معاملے پر اسپیکر اسد قیصر سے ایک وفاقی وزیر نے تلخی کی ہے۔

انہوں نے کہاکہ پارلیمنٹ کے ممبران نے انہیں ووٹ دے کر اسپیکر قومی اسمبلی کی کرسی پر بٹھایا، اسد قیصر اپنے حلف سے وفاداری نہیں کر رہے۔

بی این پی مینگل کے سربراہ نے مزید کہا کہ اسپیکر اگر ذاتی رشتوں کو اہم رکھیں تو آئین کی پاسداری نہیں کرسکتے۔

بشکریہ جنگ