امریکا: نئے سفیرِپاکستان کی امریکی افواج سے ملاقات

امریکا میں پاکستان کے نئے سفیر مسعود خان نے امریکی افواج اور اسٹیٹ ڈپارٹمنٹ کے اہلکاروں سے ملاقات کی ہے۔

امریکی دارالحکومت واشنگٹن میں نئے پاکستانی سفیر مسعود خان نے امریکی اہلکاروں کے ساتھ نیشنل وارکالج میں ملاقات کی۔

اس موقع پر نئے پاکستانی سفیر مسعود خان نے پاک امریکا تعلقات پر بریفنگ دی۔

آزاد کشمیر کے سابق صدر اور سفارت کاری کے شعبے میں مہارت رکھنے والی اہم شخصیت سردار مسعود خان کو امریکا کی جانب سے پاکستان کے نئے سفیر کے طور پر سفارتی ذمے داریاں ادا کرنے کی اجازت مل گئی۔

ملاقات میں پاک امریکا عسکری تعلقات اور خطے کی صورتِ حال پر گفتگو بھی ہوئی۔

بشکریہ جنگ