صدر مملکت کی ٹانک حملے کے شہدا کے لواحقین سے تعزیت و دعائے مغفرت

صدر عارف علوی نے ٹانک میں حملے کے شہداء کے لواحقین سے ٹیلیفونک گفتگو کی اور شہداء کے ورثاء سے اظہار افسوس اور مغفرت کے لیے دعا کی۔

اعلامیہ کے مطابق صدر مملکت نے وطن کی خاطر جان قربان کرنے والوں کو خراج عقیدت پیش کیا۔

صدر نے کیپٹن سعد بن عامر اور صوبیدار میجر شیر محمد کے لواحقین سے اظہار تعزیت کیا۔

اعلامیہ میں مزید بتایا گیا کہ صدر عارف علوی نے حوالدر سہیل اقبال، لانس نائیک علی غلام اور ریاض کے ورثاء سے بھی بات چیت کی۔ 

جبکہ صدر نے سپاہی مسکین علی اور سپاہی میر کے اہل خانہ سے بھی رابطہ کیا۔

صدر عارف علوی نے شہداء کے درجات کی بلندی اور ورثاء کےلیے صبر جمیل کی دعا کی۔

بشکریہ جنگ