پاکستان میں 80 فیصد اہل آبادی کو کورونا ویکسین لگ چکی، وزارت صحت

ڈائریکٹر جنرل وزارت نیشنل ہیلتھ سروسز رانا صفدر نے کہا ہے کہ پاکستان میں ویکسین کی اہل 80 فیصد آبادی کو کورونا ویکسین لگ چکی ہے۔ 

ایک بیان میں انہوں نے کہا کہ پاکستان میں ویکیسن کے اہل افراد کی تعداد 14 کروڑ 31 لاکھ 9 ہزار ہے۔ ڈی جی صحت نے مزید کہا کہ 11 کروڑ 51 لاکھ 13 ہزار افراد کی ویکسینیشن مکمل ہوچکی ہے۔  

انہوں نے کہا کہ سندھ میں ویکسین کی اہل 92 فیصد آبادی کی ویکسینیشن ہوچکی جبکہ پنجاب میں ویکسین کی اہل 83 فیصد آبادی کی ویکسینیشن مکمل ہو چکی ہے۔

خیبر پختونخوا میں ویکسین کی اہل 61 فیصد آبادی، بلوچستان میں 58 فیصد، اسلام آباد میں 89 فیصد، آزاد کشمیر میں 66 فیصد اور گلگت بلتستان میں ویکسین کی اہل 50 فیصد آبادی کی ویکسینیشن مکمل ہو چکی ہے۔

بشکریہ جنگ