سندھ بار کونسل کا آج صوبے بھر میں بائیکاٹ کا اعلان

ڈپٹی اسپیکر کی جانب سے عدم اعتماد کی تحریک مسترد کرنے اور وزیراعظم کی طرف سے قومی اسمبلی کی خلاف آئین تحلیل کے خلاف سندھ بار کونسل نے آج صوبے بھر میں عدالتوں کے بائیکاٹ کا اعلان کردیا۔

وائس چیئرمین سندھ بار کونسل ذوالفقار جلبانی کا کہنا تھا کہ وزیراعظم کے خلاف تحریک عدم اعتماد غیر آئینی طریقے سے مسترد کی گئی جبکہ صدر کی جانب سے اسمبلی تحلیل کرنے کا عمل بھی غیر قانونی ہے، جس پر سندھ بار کونسل عدالتوں کے بائیکاٹ کرے گی۔

اعلامیہ میں صوبے بھر کے وکلاء سے آج عدالتوں میں پیش نہ ہونے اور اپنے اپنے علاقوں میں احتجاجی ریلیاں نکالنے کا کہا گیا ہے۔

بشکریہ جنگ