قومی ٹیم ون ڈے میچز کیلئے نیدرلینڈز کا دورہ کرے گی،ذرائع

ذرائع کا کہنا ہے کہ پاکستان کرکٹ ٹیم 3 ون ڈے میچز کے لیے جولائی میں نیدرلینڈز کا دورہ کرے گی۔

ذرائع کے مطابق 2 سال قبل ون ڈے سیریز کورونا وائرس کے باعث غیرمعینہ مدت کے لیے ملتوی کردی گئی تھی۔

پاکستان اور نیدرلینڈز کے بورڈز ٹور کے لیے رضا مند ہوگئے ہیں جبکہ تاریخ کا جلد اعلان کیا جائے گا۔

ذرائع کا کہنا ہے کہ پاکستان کرکٹ ٹیم جولائی، اگست میں سری لنکا میں 2 ٹیسٹ اور 3 ون ڈے کھیلے گی جبکہ 27 اگست سے سری لنکا میں ہونے والے ایشیا کپ میں شریک ہوگی۔

اس کے علاوہ ذرائع کا کہنا ہے کہ پاکستان اور افغانستان بورڈز کے درمیان 3 ون ڈے میچز سے متعلق بات چیت جاری ہے۔

بشکریہ جنگ