اسپیکر پنجاب اسمبلی کیخلاف بھی تحریک عدم اعتماد آئیگی، عظمیٰ بخاری

مسلم لیگ ن پنجاب کی ترجمان عظمیٰ بخاری کا کہنا ہے کہ حمزہ شہباز 200 سے زائد ووٹ لیکر کامیاب ہوں گے، اسپیکر پنجاب اسمبلی کےخلاف بھی تحریک عدم اعتماد آئے گی۔

عظمیٰ بخاری نے اپنے بیان میں کہا کہ بہت سے آزاد ارکان بھی حمزہ شہباز کو ووٹ دیں گے، چوہدری پرویز الٰہی بھی ڈنڈی مارنے کی کوشش کررہے ہیں۔

ان کا کہنا تھا کہ عمران خان نے خود کو بچانے کیلئے ہمیشہ دوسروں کی قربانی دی ہے۔

انہوں نے بتایا کہ ن لیگ کی خواتین کو ایوان میں جانے سے روک دیا گیا ہے، بتایا جائے ہماری خواتین کو ایوان کے اندر جانے سے کیوں روکا جارہا ہے۔

ن لیگ کی ارکان اسمبلی نے اسپیکر آفس کے باہر احتجاج کیا ، اسپیکر صاحب وزیراعلیٰ کا الیکشن دادا گیری کی بنیاد پر لڑنا چاہتے ہیں۔

لیگی رہنما نے کہاکہ ہمیں لابی کے اندر جانے نہیں دیا جارہا ہے،کیا وہ اس طرح الیکشن جیتیں گے؟

انہوں نے کہاکہ ہم دروازہ توڑ دیں گے، ہمیں اندر جانا ہے کوئی روک سکتا ہے تو روک لے۔

بشکریہ جنگ