ڈیوڈ وارنر کیجانب سے رمضان مبارک
آسٹریلوی کرکٹ ٹیم کے اوپننگ بیٹسمین ڈیوڈ وارنر کی جانب سے مسلمان ساتھی کرکٹرز کو رمضان کے مقدس مہینے کی مبارکباد دی گئی ہے۔
ڈیوڈ وارنر نے فوٹو اینڈ ویڈیو شیئرنگ ایپ انسٹاگرام پر رمضان المبارک کا خصوصی پوسٹر شیئر کیا۔
اُنہوں نے اپنے ٹوئٹ میں کرکٹر راشد خان، عثمان خواجہ، محمد نبی سمیت دیگر سے مخاطب ہوتے ہقئے لکھا کہ ’میرے دوستوں کو رمضان کا مہینہ مبارک ہو۔‘
خیال رہے کہ سعودی عرب سمیت بیشتر خلیجی و مغربی ممالک میں پہلا روزہ آج ہے۔
حرم میں 2 سال بعد پوری گنجائش کے ساتھ نماز و تراویح کا اہتمام کیا گیا، مسجد الحرام کے آس پاس حفاظتی ماسک کی پابندی کی ہدایت کی گئی، مطاف کا صحن اور مسجد الحرام کی پہلی منزل عمرہ زائرین کے لیے مختص کردی گئی۔
عمان، ملائشیا، انڈونیشیا، پاکستان، بھارت، بنگلا دیش و دیگر کچھ ممالک میں کل پہلا روزہ ہونے کا امکان ہے۔
بشکریہ جنگ
Comments are closed.