آرمی چیف کا کور ہیڈ کوارٹرز پشاور کا دورہ

آرمی چیف جنرل قمر جاوید باجوہ نے کور ہیڈ کوارٹرز پشاور کا دورہ کیا جہاں انہیں نئے ضم شدہ اضلاع میں ترقیاتی سرگرمیوں پر بریفنگ دی گئی۔

پاک فوج کے شعبہ تعلقات عامہ آئی ایس پی آر کے مطابق آرمی چیف نے نئے ضم شدہ اضلاع میں ترقیاتی سرگرمیوں کے لیے سازگار ماحول پر سیکیورٹی فورسز کے کردار کو سراہا۔

اس موقع پر آرمی چیف نے کہا کہ انتہاپسندی و دہشت گردی کو شکست دینے کے لیے قومی سوچ اور متفقہ ردِعمل کی ضرورت ہے۔

آرمی چیف جنرل قمر جاوید باجوہ نے شہید کیپٹن سعد بن عامر کی نماز جنازہ میں شرکت کی۔

بشکریہ جنگ