مریم کا نواز شریف سے انوکھا اظہارِ محبت

مسلم لیگ نون کی نائب صدر مریم نواز نے انوکھے انداز میں سابق وزیراعظم اور اپنے والد میاں نواز سے اظہارِ محبت کیا۔

مائیکرو بلاگنگ سائٹ ٹوئٹر پر زیادہ متحرک رہنے والی مریم نواز نے اپنے تصدیق شدہ ٹوئٹر اکاؤنٹ پر اپنی نئی تصویر شیئر کی۔

ٹوئٹر پر شیئر کی گئی تصویر میں مریم نواز نے ہاتھ میں میاں نواز کی تصویر کا فریم لیا ہوا ہے۔

تصویر میں دیکھا جاسکتا ہے کہ مریم نواز کے اردگرد نون لیگی جیالے موجود ہیں جبکہ وہ کافی خوش اور پُراعتماد نظر آرہی ہیں۔

مریم نواز نے اپنے ٹوئٹ میں لکھا کہ میاں صاحب! مجھے آپ سے پیار ہے۔

مسلم لیگ نون کی نائب صدر اور سابق وزیرِ اعظم میاں نواز شریف کی صاحبزادی مریم نواز کہتی ہیں کہ نواز شریف کی بیٹی ہونا اُن کے لیے ایک بہت بڑا اعزاز ہے۔

اس کے ساتھ ہی اُنہوں نے اپنے ٹوئٹ میں دل والے ایموجی کا بھی اضافہ کیا۔

واضح رہے کہ پاکستان مسلم لیگ (ن) کی نائب صدر مریم نواز اور حمزہ شہباز کی قیادت میں حکومت کیخلاف مہنگائی مکاؤ مارچ لاہور سے گوجرانوالہ پہنچ گیا۔

ریلی میں تاخیر کے باعث گزشتہ روز گوجرانوالہ کا جلسہ ملتوی کردیا گیا تھا، جلسہ آج دوپہر تین بجے ہوگا۔مسلم لیگ (ن) کا مارچ کل 28 مارچ کو اسلام آباد پہنچے گا۔

بشکریہ جنگ