ایکسائز ڈیوٹی پر PIA اور FBR میں معاملات طے

پی آئی اے اور ایف بی آر کے درمیان ٹکٹس پر فیڈرل ایکسائز ڈیوٹی کی ادائیگی پر معاملات طے پا گئے۔

ذرائع نے بتایا ہے کہ معاملات سی ای او پی آئی اے اور چیئرمین ایف بی آر کی ملاقات میں طے پائے ہیں۔

پی آئی اے اپنے مسافروں سے ٹکٹس پر وصول ہونے والا ٹیکس ہر ماہ ایف بی آر کو جمع کرائے گا۔

پی آئی اے کی جانب سے جون تک ایف بی آر کو 1 ارب 90 کروڑ روپے کے واجبات کی ادائیگی کی یقین دہانی کرائی گئی ہے۔

پی آئی اے فیڈرل ایکسائز ڈیوٹی کی مد میں ماہانہ 50 کروڑ روپے کی قسط ادا کرے گا۔

پی آئی اے نے مارچ کی 50 کروڑ روپے کی ڈیوٹی کی قسط ایف بی آر کو جمع کرا دی۔

پی آئی اے کے مسافروں کے ٹکٹس کی مد میں ایف بی آر کے مجموعی 4 ارب روپے واجب الادا ہیں۔

بشکریہ جنگ