پنجاب حکومت کیخلاف توہینِ عدالت کی درخواست نمٹا دی گئی

سپریم کورٹ آف پاکستان نے پنجاب حکومت کے خلاف توہینِ عدالت کی درخواست نمٹا دی۔

جسٹس اعجاز الاحسن کی سربراہی میں 2 رکنی بینچ نے سماعت کی۔

درخواست بلدیاتی ادارے بحال کرنے کے حکم پر 7 ماہ عمل نہ ہونے پر دائر کی گئی تھی۔

چیف جسٹس پاکستان گلزار احمد پنجاب کے بلدیاتی اداروں کی غیر فعالی پر توہینِ عدالت کیس کی سماعت کے دوران میئر لاہور اور سیکرٹری لوکل گورنمنٹ پر برہم ہو گئے۔

ایڈوکیٹ جنرل پنجاب احمد اویس نے عدالت کو بتایا کہ پنجاب میں مرحلہ وار بلدیاتی انتخابات ہو رہے ہیں، الیکشن کمیشن نے پہلے مرحلے کے لیے پولنگ کا اعلان 29 مئی کو کر رکھا ہے۔

انہوں نے بتایا کہ نئے انتخابات ہونے والے ہیں، صوبائی حکومت نے جان بوجھ کر عمل درآمد میں تاخیر نہیں کی، عدالت توہینِ عدالت کی کارروائی ختم کرے۔

عدالتِ عظمیٰ نے ایڈووکیٹ جنرل احمد اویس کے بیان پر توہینِ عدالت کی درخواست نمٹا دی۔

بشکریہ جنگ