سلامی میں اسلحہ لینے پر دولہا گرفتار

نارووال میں دوستوں کی طرف سے سلامی میں کلاشنکوف اور پستول وصول کرنے والے دولہے کو پولیس نے گرفتار کرلیا۔

نارووال کے علاقے ڈومالہ میں دو ہفتے قبل ہونے والی شادی میں دولہے عدیل منیر کو اس کے دوستوں نے انوکھی سلامی پیش کی تھی اور لفافے میں رقم کے بجائے کلاشنکوف اور نائن ایم ایم کی پستول دی۔

شادی میں ملی انوکھی سلامی کی ویڈیو وائرل ہوئی تو مقامی پولیس حرکت میں آگئی اور غیر قانونی اسلحہ کا مقدمہ درج کرکے دولہے عدیل منیر کو گرفتار کرلیا گیا۔

بشکریہ جنگ