کراچی کی چھ یونین کونسلز میں دوبارہ گنتی کا الیکشن کمیشن کا حکم کالعدم قرار

اسلام آباد ہائی کورٹ نے کراچی کی 6 یونین کونسلوں میں دوبارہ گنتی کا الیکشن کمیشن کا حکم نامہ کالعدم قرار دے دیا۔ 

اسلام آباد ہائی کورٹ کے جسٹس سردار اعجاز اسحاق خان نے دوبارہ گنتی روکنے کی جماعت اسلامی کی درخواست پر فیصلہ سنایا۔

اسلام آباد ہائی کورٹ کے جسٹس سردار اعجاز اسحاق خان نے ریمارکس دیئے کہ الیکشن کمیشن کے حکم نامے کو کالعدم قرار دینے کی وجوہات تفصیلی فیصلے میں بتائیں گے۔جماعت اسلامی کے وکلاء قیصر امام اور حسن جاوید شورش جبکہ الیکشن کمیشن کے حکام اور دیگر امیدواروں کے وکلاء عدالت میں پیش ہوئے۔