کراچی میں کورونا کے مثبت کیسز کی شرح میں مزید اضافہ

کراچی: شہر قائد میں کورونا کے مثبت کیسز کی شرح 40.13 فیصد ہوگئی۔

ذرائع ابلاغ کے مطابق کراچی میں گزشتہ روز 7232 کورونا ٹیسٹ کیے گئے جس میں سے 2902 کورونا کیس رپورٹ ہوئے جبکہ اومیکرون کے 430 کیسز کی تصدیق ہوچکی ہے۔

شہر میں 232 مریضوں کی حالت تشویشناک ہے جبکہ 18 وینٹی لیٹر پر ہیں۔

دوسری جانب محکمہ صحت کے مطابق حیدرآباد میں کورونا مثبت کیسز کی تعداد 766 ہوگئی، کورونا کیسز میں اضافہ ہو رہا ہے، 24 گھنٹے میں 100 کیس رپورٹ ہوئے۔

حیدر آباد میں مثبت کیسز کی شرح 7 فیصد ریکارڈ کی گئی۔