پاک بحریہ کا زمین سے فضا میں مار کرنیوالے میزائلز فائر کرنے کا مظاہرہ

اسلام آباد: پاک بحریہ نے زمین سے فضا میں مار کرنے والے میزائلوں کی فائرنگ کا مظاہرہ کیا ہے۔

ترجمان پاک بحریہ کے مطابق میزائلوں نے کامیابی سے اہداف کو نشانہ بنایا، چیف آف دی نیول اسٹاف ایڈمرل محمد امجد خان نیازی نے مشاہدہ کیا۔

نیول چیف ایڈمرل محمد امجد خان نیازی نے کہا کہ پاک بحریہ کسی بھی جارحیت کا جواب دینے کی مکمل صلاحیت رکھتی ہے۔

ترجمان کا کہنا ہے کہ میزائلوں نے کامیابی سے اپنے اہداف کو نشانہ بنایا، میزائل فائرنگ کا شاندار مظاہرہ پاک بحریہ کی آپریشنل صلاحیتوں اور حربی تیاریوں کا منہ بولتا ثبوت ہے۔