وزیراعظم شہباز شریف کی قیادت میں تمام جماعتیں ملکی ترقی کیلیے کوشاں ہیں، بلاول

لاڑکانہ: چیئرمین پیپلزپارٹی اور وزیر خارجہ بلاول بھٹو نے کہا ہے کہ شہباز شریف کی قیادت میں تمام جماعتیں ملکی ترقی کے لیے کام کررہی ہیں-

لاڑکانہ میں اپنی واہدی بینظیر بھٹو کے یوم پیدائش کے حوالے سے منعقدہ جلسے سے خطاب کرتے ہوئے بلاول بھٹو کا کہنا تھا کہ عمران خان نے کرپشن کے لیے اپنی اہلیہ کے ساتھ مل کر ایک کمپنی بنائی مگر اب انہیں عدالتوں میں کرپشن کا جواب دینا ہوگا۔ خان صاحب نے کمپنی میں کک بیکس پہنچائے اور اُس کمپنی کے ذریعے مختلف لوگوں نے کرپشن کی۔

بلاول بھٹو نے کہا کہ اب عوام اور بالخصوص پیپلزپارٹی کے کارکنان عمران خان کے جھوٹ پر یقین نہیں کریں گے اور ان کا اصل چہرہ عوام کے سامنے لائیں گے۔ انہوں نے کہا کہ وزیراعظم شہباز شریف کی قیادت میں تمام جماعتیں ملک کی ترقی کے لیے کام کررہی ہیں،  ہم سب نے جب نالائق سلیکٹڈ کو برداشت کیا تو ہمیں تھوڑی دیر اتحادی جماعتوں کی حکومت کو بھی ٹائم دینا چاہیے تاکہ ہم معاشی اور انتخابی ریفارمز کر کے الیکشن میں جائیں۔

بلاول بھٹو نے کہا کہ ایک بار یہ سارے کام مکمل ہونے کے بعد ہم پھر شہر شہر جاکر بے نظیر بھٹو اور ذوالفقار علی بھٹو کا پیغام پہچانا ہے اور اپنی جیت کے لیے مقابلہ کرنا ہے۔