وزیراعظم، آرمی چیف پاراچنار میں عیدالاضحیٰ منانے پہنچ گئے

پاراچنار:وزیر اعظم شہباز شریف اور آرمی چیف جنرل عاصم منیر سرحدی علاقے میں ڈیوٹی سرانجام دینے والے جوانوں کے ساتھ عید الاضحی منانے پاراچنار پہنچ گئے۔ 

وزیر اعظم کے ہمراہ آرمی چیف جنرل عاصم منیر ،وزیر خزانہ اسحاق ڈار، وزیر دفاع خواجہ آصف، وزیر اطلاعات مریم اورنگزیب تھی۔ وزیراعظم اور آرمی چیف نے تہوار کے موقع پر وردی میں ملبوس جوانوں کو مبارکباد دی اور بات چیت کے ذریعے ان کے حوصلے بلند کئے۔

قبل ازیں شہباز شریف نے اپنے پیغام میں پاکستانی قوم اور امت مسلمہ کو حج اور عیدالاضحیٰ کے پرمسرت موقع پر مبارکباد دیتے ہوئے عوام پر زور دیا کہ وہ گزشتہ سال کے سیلاب سے بے گھر ہونے والوں کا خصوصی خیال رکھیں اور انہیں یاد رکھیں۔ شہباز نے کہا کہ وہ اس حقیقت سے بخوبی واقف ہیں کہ پاکستان کو مہنگائی اور کساد بازاری کی شکل میں بیرونی مسائل کی وجہ سے قیمتوں میں اضافے کا سامنا ہے۔ تاہم، حکومت عوام کو ریلیف فراہم کرنے کے لیے تمام وسائل بروئے کار لا رہی ہے۔

 اس کے علاوہ، آئی ایس پی آر نے ایک پیغام میں کہا کہ مسلح افواج، چیئرمین جوائنٹ چیفس آف اسٹاف کمیٹی اور سروسز چیفس نے پاکستانیوں کو عیدالاضحیٰ کی بہت بہت مبارکباد دی۔

آئی ایس پی آر کے بیان میں کہا گیا ہے کہ عیدالاضحی ہمیں امن، اتحاد، بھائی چارے اور انسانیت کے لیے بے لوث قربانی کا پیغام دیتی ہے، جس میں لوگوں سے کہا گیا ہے کہ وہ مادر وطن کے لیے اپنی جانیں قربان کرنے والے شہداء کو یاد رکھیں۔ ’’وہ ہمارے دلوں میں ہمیشہ کے لیے نقش ہو جائیں گے۔‘‘