واٹس ایپ کا ثالث فرقی پیغام ایپ سے متعلق اہم فیچر پر کام جاری

کیلیفورنیا: ٹیکنالوجی کمپنی میٹا اپنی ذیلی ایپلی کیشن واٹس ایپ میں صارفین کے لیے دیگر پیغام رساں ایپس سے براہ راست پیغامات موصول کرنے کے فیچر پر کم کر رہی ہے۔

واٹس ایپ بِیٹا انفو کی جانب سے شائع کی جانے والی ایک پوسٹ کے مطابق یہ فیچر حال ہی میں واٹس ایپ کے آئی او ایس بِیٹا ورژن میں آزمائش کے لیے پیش کیا گیا ہے۔

واٹس ایپ بِیٹا نے ٹوئٹر پر شیئر کی گئی ایک پوسٹ میں تصویر شائع کی جس میں دیکھا جا سکتا ہے کہ چیٹ ٹیب میں ایک نیا خانہ شامل کیا گیا ہے جو ثالث فریق سے موصول ہونے والے پیغامات کے لیے مختص ہے اور اس میں واٹس ایپ کے باہر سے آنے والی تمام چیٹس جمع ہوں گی۔

WhatsApp beta for iOS 24.2.10.72: what’s new?

WhatsApp is working on a chat interoperability feature to comply with new EU regulations, and it will be available in a future update!https://t.co/wuOjTvciGp pic.twitter.com/9s49xosAfC

— WABetaInfo (@WABetaInfo) January 24, 2024

بظاہر ایسا معلوم ہوتا ہے کہ صارفین کے پاس اس فیچر کو استعمال کرنے کے حوالے سے اختیار حاصل ہوگا اور وہ اپنی مرضی سے کبھی بھی اس سہولت کو غیر فعال کر سکیں گے۔

یہ بھی پڑھیں: واٹس ایپ کا فائل شیئرنگ فیچر آزمائش کے لیے پیش

مزید برآں ثالث فریق ایپ سے موصول ہونے والے یا ان کو بھیجے جانے والے پیغامات اینڈ ٹو اینڈ انکرپشن کے ساتھ ہوں گے جس سے پرائیوسی کو یقینی بنایا جائے گا۔

تاہم، فی الحال یہ بات واضح نہیں ہے کہ اس فیچر کی مدد سے واٹس ایپ کتنے پلیٹ فارمز سے رابطہ قائم کر سکے گا۔