قومی سلامتی پارلیمانی کمیٹی کا6گھنٹے طویل اجلاس، عسکری حکام کی قومی قیادت کوتفصیلی بریفنگ

قومی اسمبلی کے اسپیکر اسد قیصر کی زیر صدارت قومی سلامتی پارلیمانی کمیٹی کا6گھنٹے طویل اجلاس ہوا،جس میں عسکری حکام کی جانب سے قومی قیادت کوخارجہ امور، داخلی سلامتی، اندرونی و بیرونی چیلنجز، تنازعہ کشمیر اور افغانستان کی حالیہ صورتحال پر جامع بریفنگ دی گئی۔ڈی جی آئی ایس آئی لیفٹیننٹ جنرل فیض حمید نے تفصیلی بریفنگ دی جبکہ آرمی چیف نے جو سوالات اٹھے ان کا جواب دیا۔قومی سلامتی کمیٹی اجلاس کے اعلامیے میں کہا گیا ہے کہ افغانستان کی سرزمین پاکستان کے خلاف استعمال نہیں ہوگی، پاکستان برادر افعان عوام کی حمایت اور تائید جاری رکھے گا اور افغانستان میں امن کیلئے اپنا کردار ادا کرتا رہے گا، پاکستان کی بھرپور کوشش ہے کہ موجودہ حالات کسی اور انسانی و معاشی بحران کو جنم نہ دیں جو افعان عوام کی مشکلات میں اصافہ کا باعث ہوں اور اس سلسلے میں پاکستان عالمی برادری کے ساتھ مسلسل رابطہ میں ہے۔پیر کو پارلیمانی کمیٹی برائے قومی سلامتی کا اجلاس سپیکر قومی اسمبلی اسد قیصر کی زیر صدارت پارلیمنٹ ہاوس منعقد ہوا،اجلاس میں چیف آف آرمی اسٹاف جنرل قمر جاوید باجوہ، ڈی جی آئی ایس آئی لیفٹیننٹ جنرل فیض حمید،ڈی جی آئی ایس پی آر میجر جنرل بابر افتخار سمیت دیگر اعلیٰ عسکری حکام بھی موجود تھے۔پارلیمانی کمیٹی کے اجلاس میں چیئرمین سینٹ صادق سنجرانی، قومی اسمبلی اور سینٹ میں قائد حزب اختلاف شہباز شریف اور سید یوسف رضا گیلانی وفاقی وزرا ء، وزیر اعظم کے مشیر برائے قومی سلامتی معید یوسف،چاروں صوبوں کے وزراءاعلیٰ ، وزیر اعظم آزاد جموں و کشمیر، اور وزیر اعلی گلگت بلتستان نے شرکت کی۔ اجلاس میں اعلیٰ عسکری حکام نے ملک کی سیاسی و پارلیمانی قیادت، اراکین قومی اسمبلی و سینٹ، صوبائی و آذاد جموں و کشمیر اور گلگت بلتستان کی قیادت کو اہم خارجہ امور، داخلی سلامتی، اندرونی و بیرونی چیلنجز، خطے میں وقوع پذیر ہونے والی تبدیلیوں خصوصاً تنازعہ کشمیر اور افغانستان کی حالیہ صورتحال کے حوالے سے جامع بریفنگ دی۔ قومی اسمبلی سیکرٹریٹ کی جانب جاری اعلامیہ کے مطابق اجلاس کو بتایا گیا کہ پاکستان برادر افعان عوام کی حمایت اور تائید جاری رکھے گا اور افغانستان میں امن کیلئے اپنا کردار ادا کرتا رہے گا۔ اجلاس کے شرکاءکو مزید بتایا گیا کہ پاکستان نے افغان امن عمل میں پ ±رخلوص طور پر مثبت اور ذمہ دارانہ کردار ادا کیا،پاکستان اس امر پر یقین رکھتا ہے کہ افغانستان میں پائیدار امن و استحکام خطہ میں امن اور ترقی کے لیے ناگزیر ہے۔پارلیمانی کمیٹی کے اجلاس کے شرکاءکومزید بتایا گیا کہ پاکستان کی بھرپور کوشش ہے کہ موجودہ حالات کسی اور انسانی و معاشی بحران کو جنم نہ دیں جو افعان عوام کی مشکلات میں اصافہ کا باعث ہوں اور اس سلسلے میں پاکستان عالمی برادری کے ساتھ مسلسل رابطہ میں ہے۔ اس امید کا بھی اظہار کیا گیا کہ افغانستان کی سرزمین پاکستان کے خلاف استعمال نہیں ہوگی۔ اجلاس میں پاکستان افغانستان سرحد پر بارڈر کنٹرول کے نظام کے بارے میں بھی بتایا گیا۔ سیاسی و پارلیمانی قیادت نے بریفنگ پر اطمینان کا اظہار کیا اور افغانستان میں امن، ترقی اور خوشحالی کیلئے نیک خواہشات کا اظہار کیا۔ ان کی رائے میں ایسے اجلاس نہ صرف اہم قومی امور پر قومی اتفاق رائے کی تشکیل میں اہم کردار ادا کرتے ہیں بلکہ مختلف قومی موضوعات پر ہم آہنگی کو تقویت دینے کا بھی باعث بنتے ہیں۔پارلیمانی قومی سلامتی کمیٹی اجلاسا کے بعد میڈیا سے گفتگو کرتے ہوئے وزیر خارجہ شاہ محمود قریشی نے کہا کہ چاہتے تھے کہ خطے کی نئی صورتحال ہے پرپارلیمانی لیڈران کو آگاہ کیا جائے ، چنانچہ آج ڈی جی آئی ایس آئی نے ایک پریزنٹیشن دی ،آرمی چیف نے جو سوالات اٹھے ان کا جواب دیا، لیڈر آف دی اپوزیشن نے جو اپنا نقطہ نظر بیان کیا اور دیگر اپوزیشن قائدین نے حکومتی موقف کو وہاں پیش کرنے کی کوشش کی کہ افغانستان میں ہمارا نقطہ نظر یہ ہے ، یہ پیشرفت ہوئی ہے ، اپوزیشن کے قائدین کو اعتماد میں لینا ہمارا مقصد تھا ،انہیں اعتماد میں لیا گیا، پوری صورتحال سے آگاہ کیا گیا، تفصیلات چونکہ ان کیمرہ سیشن تھیں ،اس پر بات نہیں کی جاسکتی اس کا میں پابند ہوں لیکن میں سمجھتا ہوں کہ جس ماحول میں گفتگو ہوئی ،ماحول بڑا اچھا تھااور بڑے حوصلہ سے ایک دوسرے کا نقطہ نظر سنا گیا۔میڈیا سے گفتگو میںاپوزیشن لیڈر شہبازشریف نے کہا کہ بڑی اچھی پریزنٹیشن تھیں اور بڑے اچھے ماحول میں سوال وجواب ہوئے۔شہباز شریف نے تحریک لبیک پاکستان اور افغانستان کی صورتحال پر پوچھے گئے سوال جواب دینے سے گریز کیا اور کہا کہ یہ میٹنگ ان کیمرہ تھی اورکہا کہ میٹنگ بہت اچھی تھی۔