عمران خان کا لانگ مارچ مرضی کا آرمی چیف لگانے کیلیے ہے، نواز شریف

لندن: ن لیگ کے قائد نواز شریف نے پی ٹی آئی چیئرمین پر تنقید کرتے ہوئے کہا ہے عمران خان کا لانگ مارچ اپنی مرضی کا آرمی چیف لگانے کے لیے ہے۔

 

عمران خان کا لانگ مارچ کسی انقلاب کیلئے نہیں بلکہ اپنی مرضی کا آرمی چیف لگانے کیلئے ہے۔اسکا انقلاب اسکی 4سالہ حکمرانی میں عوام دیکھ چکی ہے۔دوسروں کو چور کہنے والا عمران خان خود فارن فنڈنگ،توشہ خانہ اور 50 ارب کی ڈکیتی کے ناقابل تردید ثبوتوں کے ساتھ تاریخ کا سب سے بڑا چور ثابت ہوا

— Nawaz Sharif (@NawazSharifMNS) October 26, 2022

سماجی رابطے کی ویب سائٹ ٹوئٹر پر جاری بیان میں سابق وزیراعظم کا کہنا تھا کہ اس (عمران خان) کا انقلاب اس کی  چار سالہ حکمرانی میں عوام دیکھ چکے ہیں۔ عمران کان کا لانگ مارچ کسی انقلاب کے لیے نہیں بلکہ یہ اپنی مرضی کا آرمی چیف لگانے کے لیے ہے۔

نواز شریف نے اپنے ٹوئٹ میں مزید کہا کہ دوسروں کو چور کہنے والا عمران خان خود فارن فنڈنگ،توشہ خانہ اور 50 ارب کی ڈکیتی کے ناقابل تردید ثبوتوں کے ساتھ تاریخ کا سب سے بڑا چور ثابت ہوا ہے۔