ضمانتی وزیروں نے ملک کو بدنام کر دیا، شاہ محمود قریشی

اوکاڑہ: رہنما تحریک انصاف ( پی ٹی آئی) شاہ محمود قریشی نے کہا ہے کہ ضمانتی وزیروں نے ملک کو بدنام کر دیا ،چور، منشیات فروش اور ملک کے لٹیروں نے ملک پر اپنی حکمرانی کرنے کی بھونڈی سازش کو کامیاب بنا نے کیلئے بیرونِ ملک کی مداخلت کر ائی شرم آنی چا ہیے۔

شاہ محمو د قریشی نے کہا کہ  امپورٹڈ حکومت عوام کو منظور نہیں، یہ وہ ٹولہ ہے جنہوں نے ہمیشہ ایک دوسرے کی ٹانگیں کھینچی ہیں اور ماضی میں ایک دوسرے پرسنگین الزامات بھی لگا ئے ہیں،   بینظیر  پر جتنا ظُلم نواز شریف نے کروایا اُتنا کسی اور نے نہیں کیا،آج اپنے مفاد کی خاطر بی بی پر ظُلم کرنے والوں کے ساتھ مل گئے ہیں۔

انہوں نے مزید کہاکہ پیپلز پارٹی کے چیئرمین کے پاس شرم نام کی کوئی چیز نہیں، موجودہ حکومت عوام کو ریلیف فراہم کرنے میں ناکام نظر آرہی ہے، مہنگائی آسمانوں سے باتیں کررہی ہے۔