خیبر پختونخواہ بلدیاتی الیکشن: حکمران جماعت کوشکست،جے یو آئی کامیاب

پشاور:خیبر پختونخواہ بلدیاتی الیکشن کے64میں سے 55نشستوں کے نتائج کا غیر سرکاری اور غیر حتمی اعلان کردیا گیا۔

میڈیا رپورٹس کے مطابق جمعیت علمائے اسلام ( جے یو آئی ) کے 19امیدوار کامیاب ہوگئے، تحریک انصاف ( پی ٹی آئی ) کے 14لوگ نشستوں پر کامیاب ہوئے ہیں، عوامی نیشنل پارٹی( اے این پی )نے 7اور آزاد امیدوار 8نشستوں سے کامیاب ہو ئے ہیں ۔

مسلم لیگ ن کے 3اورجماعت اسلامی کے 2امیدوار کامیاب ہوئے ہیں جبکہ پیپلز پارٹی اور تحریک اصلاحات کا ایک ، ایک امیدوار کامیاب ہوا ہے۔

خیال رہے کہ کے پی کے میں گزشتہ روز 17اضلاع میں بلدیاتی الیکشن ہوئے ، دن بھر سیاسی گرماگرمی دیکھنے کو ملی ، مختلف واقعات میں 7افراد جاں بحق اور17زخمی ہوگئے تھے۔