توہین الیکشن کمیشن: چیئرمین پی ٹی آئی کو گرفتار کرکے پیش کرنے کا حکم

اسلام آباد: الیکشن کمیشن نے توہینِ کمیشن پر چیئرمین پی ٹی آئی کو گرفتار کرکے پیش کرنے کا حکم جاری کردیا۔

توہین الیکشن کمیشن کے کیس میں پیش نہ ہونے پر الیکشن کمیشن آف پاکستان نے چیئرمین پی ٹی آئی کے وارنٹ گرفتاری جاری کیے تھے، جس پر الیکشن کمیشن نے آج آئی جی اسلام آباد کو اُن کے ناقابل ضمانت وارنٹ گرفتاری کی تعمیل کرنے کی ہدایت کی ہے۔

الیکشن کمیشن آف پاکستان نے پولیس کو حکم دیا ہے کہ چیئرمین پی ٹی آئی کو کل گرفتارکرکے پیش کیا جائے۔

یاد رہے کہ چیئرمین پی ٹی آئی توہین الیکشن کمیشن کے کیس میں الیکشن کمیشن میں پیش نہیں ہو رہے، جس پر ان کے وارنٹ گرفتاری جاری ہوئے تھے۔