بلاول بھٹو ایس سی او اجلاس میں شرکت کے لیے گوا پہنچ گئے

وزیر خارجہ بلاول بھٹو زرداری 4 سے 5 مئی تک ہونے والے شنگھائی تعاون تنظیم (SCO) کے وزرائے خارجہ کی کونسل (CFM) اجلاس میں شرکت کے لیے جمعرات کو بھارت کے شہر گوا پہنچ گئے۔

وزیر خارجہ کا ایئرپورٹ پر بھارتی وزیر خارجہ کے سینئر حکام نے استقبال کیا۔

دفتر خارجہ (ایف او) کے مطابق، پاکستانی وفد ہندوستان کے وزیر خارجہ ڈاکٹر ایس جے شنکر کی دعوت پر اجلاس میں شرکت کر رہا ہے جو ایس سی او سی ایف ایم کے موجودہ سربراہ ہیں۔

ایک بیان میں، ایف او نے مزید کہا کہ دو روزہ اجلاس میں ہماری شرکت شنگھائی تعاون تنظیم کے چارٹر، عمل اور اس اہمیت کے لیے پاکستان کے عزم کی عکاسی کرتی ہے جو اسلام آباد اپنی خارجہ پالیسی کی ترجیحات میں خطے کے لیے دیتا ہے۔

وزیر خارجہ بلاول بھٹو زرداری کی شنگھائی تعاون تنظیم کے اجلاس میں شرکت کیلئے گوا آمد

وزارت خارجہ کا اعلیٰ سطح کا وفد بھی وزیر خارجہ بلاول بھٹو زرداری کے ہمراہ

وزیر خارجہ بلاول بھٹو زرداری کا ہندوستانی وزارت خارجہ کے اعلیٰ حکام نے ائیرپورٹ پر استقبال کیا@BBhuttoZardari… pic.twitter.com/Vw9hU56mJt

— PPP (@MediaCellPPP) May 4, 2023

پڑوسی ملک میں اپنی آمد سے قبل، بلاول  بھٹو نے ٹویٹر پر ایک ویڈیو پوسٹ کی اور کہا کہ ان کا “اس اجلاس میں شرکت کا فیصلہ شنگھائی تعاون تنظیم کے چارٹر کے لیے پاکستان کے مضبوط عزم کی عکاسی کرتا ہے”۔

انہوں نے مزید کہا کہ وہ “دوست ممالک کے ہم منصبوں کے ساتھ تعمیری بات چیت کے منتظر ہیں”۔