آرمی چیف جنرل عاصم منیر کی کراچی آمد، مزار قائد پر حاضری دی

کراچی: پاک فوج کے سپہ سالارجنرل عاصم منیر کراچی پہنچ گئے، جہاں پر انہوں نے مزار قائد پر حاضری دی۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل عاصم منیر نے کراچی کا دورہ کیا جہاں پرانہوں نے  بانی پاکستان قائد اعظم محمد علی جناح مزار پر حاضری، پھول چڑھائے اور فاتحہ خوانی بھی کی۔

آئی ایس پی آرکے مطابق آرمی چیف نے کور ہیڈکواٹرز کراچی کا بھی دورہ کیا جہاں پرآرمی چیف کو آپریشنل تیاریوں، سیکیورٹی صورتحال اور قدرتی آفت کے دوران متاثرین کی مدد کیلئے سول انتظامیہ سے تعاون سے متعلق بریفنگ دی گئی۔

آرمی چیف جنرل عاصم منیر نے پاک فوج کی کمان سنبھالنے کے بعد اپنے پہلے دورہ کراچی میں سندھ میں قانون نافذ کرنے والے اداروں کی کراچی کو پرامن شہر بنانے کی کاوشوں،سیلاب کے دوران فوج،رینجرز کے کردار کو سراہا۔