آئی ایم ایف سے   پیسے آنے کے باوجودبھی  پیسہ تیزی سے گر رہا ہے، اسد عمر

پاکستان تحریک انصاف  کے مرکزی  رہنما و سابق وفاقی وزیر منصوبہ بندی اسد عمر نے کہا  ہے کہ آئی ایم ایف سے   پیسے آنے کے باوجودبھی  پیسہ تیزی سے گر رہا ہے،گزشتہ سال کے مقابلے میں آٹو سیلز میں 54فیصد کمی  ہوئی، جس کے باعث معیشت  بڑے پیمانے پر سست روی کا شکار ہے۔جمعہ کو سماجی رابطے کی ویب سائٹ ٹویٹر پر ٹویٹ کرتے ہوئے پاکستان تحریک انصاف  کے رہنما و سابق وفاقی وزیر منصوبہ بندی اسد عمر نے کہا کہ گزشتہ سال کے مقابلے میں آٹو سیلز میں 54فیصد کمی ہوئی ۔انہوں نے کہا کہ معیشت میں بڑے پیمانے پر سست روی دکھائی دے رہی ہے،اس  کے باوجود روپیہ ایک بار پھر دبائو میں ہے۔ اسد عمر کا مزید کہنا تھا کہ آئی ایم ایف کے پیسے آنے کے بعد بھی روپیہ تیزی سے گر رہا  ہے،آج ڈالر کے مقابلے میں روپیہ تقریباً 5روپے گر گیا۔